Geschichte

Storia dla RAS

La RAS – Radiotelevijion Azienda Speziela Südtirol – ie unida fundeda tl 1975 coche servisc de dërt publich dla Provinzia de Bulsan y te chësta funzion àla da dejëujer na ncëria de utl per la cumenanza. L prim duvier ie chël de devulghé tl radio y tla televijion programs radiotelevijifs dai raions culturei tudësc y ladins. Per chësc fin à la emitëntes de dërt publich dl’Austria, di Paejes Tudësc y dla Svizra metù a despusizion si programs debant.
Dl prim univel mandà n onda te duta la provinzia i programs dla televijion ORF1, ORF2 y ZDF, ti raions a ost dla provinzia y tla valedes ladines univel mandà n onda nce l SF1 y mé ti raions a ost nce l ARD. Tl tëmp dai 28 d’utober ai 11 de nuvëmber 2009 iel unit destudà duc i canai de televijion analogs (nia mé chëi dla RAS) y metù n funzion i canai digitei asseniei dal Ministere. Tres chësta digitalisazion y pervia dl fat che la emitëntes da oradecà fova a una à la RAS pudù avané la cumpëida de programs a 14: ORF1, ORF2, ARD, ZDF, Bayerischer Rundfunk, Kika, 3Sat, Arte, SF1, SF2, RSI La1, sciche nce ORF1, ORF2 y ZDF tl format HD. Ai 15 de nuvëmber 2012 à la RAS – sun dumanda de truep sudtirolesc nteressei ai programs culturei – nce sëurantëut te si ufierta de programs l ORF III, y śën mandela oradechël nce n onda per tests tecnics la variantes a definizion auta di programs televijifs ARD HD, SF1 HD y SF2 HD. A chësta moda vëniel ncuei devulgà dala RAS te duta la provinzia y cun l sistem terester 18 programs televijifs.

Tres UKW vëniel trasmetù te duta la provinzia i programs radio dl ORF – Ö1, Ö2 y Ö3 l – sciche nce Radio Rumantsch dl SRG tla valedes ladines y tla Val Venuesta auta.

Tla tecnica digitela DAB y DAB+ (Digital Audio Broadcasting) vëniel dlongia i programs nunziei dessëura nce trasmetù te duta la provinzia Radio Swiss Classic, Swiss Jazz, Swiss Pop, RSI Rete 2, Bayern 1, Bayern 2, Bayern 3, Bayern Klassik,  B5 aktuell, BR Heimat, Deutschlandradio Kultur, Kiraka y FM 4. N culaburazion cun la RAI vëniel nce trasmetù i programs RAI Radio 1, Radio 2, Radio 3 y RAI Südtirol.

La storia dla RAS ie da liejer tla sezion “downloads”.

Downloads

Ultimo aggiornamento il 30 03 2016