Televijion digitala DVB-T sun tera

I termins é sen segurs:

Dai 15 ai 27 de otober 2009 végnel digitalisé tl Trentin y dai 28 de otober ai 13 de november 2009 te Südtirol duc i programs televisifs. Con chisc termins se sclùjel ju perchel les trasmiscions con la tecnica analoga.

Chëstes ie la dates de switch off per i singuli raions:

Deplù details sun la digitalisazion giateise chilò.

Programs televisifs dla RAS:

Ensemble RAS1-DVB:

Ensemble RAS2-DVB:

raions cun rezezion

Tl temp enchina l 2011 déssel ence vegnì mudé les does morones televisives analoghes dl ORF. La ocupazion di programs de chestes does morones televisives ne é al moment nia ciamò vegnudes fissedes.

Ciugn vantajes nes pieta pa DVB-T?

• Na cualité de chedri y de ton scialdi bona
• La rezezion de programs televijion ruvés laprò nuefs
• La rezezion de dac souraprò, sciche p. ej. informazions sun la trasmiscion che an ciala iust o n teletest slarié fora con chedri
• Con na antena de ciasa o de stua daldut normala, él meso avei na rezezion stazionara, da porté encantourn o mobila

Cie val pa debujegn per la rezezion DVB-T?

DVB-T pò vegnì adoré con n enjign de televijion tradizional y na antena daldut normala. Al ne va nia debujegn de mudé valch pra l implant dla antena o de compré na antena "speziala" per la rezezion digitala. Al va demé debujegn de na ensci nomineda scatola "Set-Top-Box", chel é n enjign che vegn instalé anter la antena y la televijion.

(Quelle: www.petersfehn.de/pics/dvb-t-anschluss.png)

I programs dla RAS vegn emanés daverc y zenza enciamp: al ne va nia debujegn de na cherta che liej n code. Con na cherta speziala per l computer pò i programs digitai dla televijion ence vegnì vedus y touc su sun l PC.

Tant costa pa na "Set-Top-Box"?

Les "Set-Top-Boxen" se desferenzieia dassen te sia atrezatura. Dlongia les "Multimedia-Boxen" scialdi saurides, pòn ence ciapé enjigns plu a bon marcé a pié via da entourn i 70 euro. Vost comerziant te chest ciamp ves darà gen conseis en chest cont.

Indicazions per la sintonisazion dles scatoles-set-top

Sce i eis problems con la sintonisazion o con la cerna di canai de na tel scatola eise chilò na indicazion menuda per duc i aparac che an giata da compré. Ala é vegnuda metuda adum dal Ministero dello Sviluppo Economico - dipartimento per le Comunicazioni y la Fondazione Ugo Bordoni. La traduziun per todesch é vegnuda fata da la RAS.

Indicazions per la sintonisazion

Ciuldì val pa debujegn de na emanazion per televijion sun tera?

DVB-T pita n servisc enjonté independent dal satelit per na rezezion stazionara, da porté encantourn y mobila. Souraprò pòn ence ciapé programs locai - cie che ne é nia meso con satelit y cabl - con antenes daldut scemples.