Chisc é i raions che vegn servii te Südtirol

Tl moment végnel pité set stazions DAB sun Bloch 12A y 12D. Chel é l 92% dla spersa dla Provinzia. Chestes stazions é sun l Penegal, a St. Konstantin, sun la Plose, sun Plan de Corones, a Freienfeld, tla Val Venuesta (12A), sun Mut, a Laion,sun Jeuf de Frea, a St. Leonhard in Passeier, Mals (12C) y tla Val Venuesta Auta. L’autostreda A22 dl Prener vegn servida sun duta si lungheza da Salurn enchina sun l Prener.

Raion servii sun Bloch 12A y 12D (Cherta con na ressoluzion plu auta 3,3MB)

Per i doi tunels plu lonc sun l’autostreda a Bulsan Nord (Virgl) y a Franzensfeste él vegnù enjigné ite trasmitenc aposta per la rezezion tl tunel. La rezezion di programs radio digitai é ence meso ti tunei de Welsberg, Burnech, Val Badia, Kardaun, Val d’Ega, Virgl, St. Jakob, Mebo, Naturns, Staben, Sarntal - Halbweg, Pruca 1 + 2, Mittewald, Mühlbach, y Töll. Al vegnirà laoré ciamò te d’autri tunei.

Souraprò él ciamò dan curt temp jù en funzion l Bloch 13A con stazions privates locales sun l Penegal. Tres chest él sen meso de audì ciamò d’autri programs radio tl raion de Bulsan, Überetsch y tl Unterland.

Raion servii sun Bloch 13A (Cherta con na ressoluzion plu auta 3,0MB)

L servisc dla Provinzia vegn tresfora ejaminé y al vegn scrit protocoi de mesurazions. Per l davegnì él vedù dantfora de emplenì les loces y de planifiché ciamò d’autres stazions de trasmiscion.

Servisc tl tunel