PRETIO – Projet
de enrescida dla Union Europea
L projet de enrescida dla Union Europea dal inom PRETIO é pié via.
Ai 7 de merz él vegnù sotescrit a Brüssel
l contrat aldò da pert di partners desferenc dl projet.
La tematica de PRETIO é la introduzion sun l marcé de
servisc de dac mobii tl sistem radio dl davegnì, l „Digital
Radio“. L Radio – Azienda Südtirol, la RAS
donca, é sciche responsabla dla rei partner dl projet
y menarà fora servisc de dac nuefs tres l radio digital,
l „Digital Radio“.
 Tl
cheder dl temp dl projet de 18 meisc, vegniràl porté ite
y prové fora aplicazions mobiles de dac nuefs. A persones
de test, chirides fora aposta per l temp dla fasa dla proa,
ti vegniràl perchel metù ite te si auto n radio-set
digital che é metù adum da n aparat radio aldò dl
standard-DAB y n display de dac taché ite. Al vegnirà prové fora
la doura de servisc desche informazions sun l trafich tresfora
atuales, previjions dl temp y anunzies de stuedes d’auti.
L projet PRETIO vegn metù a jì soura i confins
de deplù stac fora y é metù adum da
trei projec tla Germania y tla Talia. Coordinadour é ERTICO,
na jomelanza soura duta l’Europa per la ghiranza dla
doura de sistems de trasport y servisc che laora da fondament.
I 15 partner de PRETIO é metus adum dai ciamps radio,
telematica, management dl trafich, firmes de reis, sciche
ence da la industria de aparac: Blaupunkt, Bosch, Bayerische
Medien Technik (BMT), DRN, DTAG/T-Systems, ifak, Istitut
per tecnica de radio, Mizar Mediaservices, move, MSA, Panasonic,
ptv, RAS y Transver enrescida per l trafich. Souraprò fej
ciamò pea d’autres firmes conesciudes pro la
PRETIO, y chel te na grupa de consulenza: TDF France, Cofiroute,
Volkswagen, BMW, CLEPA, Fraunhofer Gesellschaft, ADAC, ORF y
SRG.
 Chiló vedeise
n cheder di aparac adorés tla proa de test (radio
per l auto y display de dac. I
servisc che an pò ciapé tres l radio per l
auto, sciche informazions sun l trafich, l titul dla ciantia
che an aud iust o previjions dl temp, pò vegnì mostrés
su tres l display de dac (PDA) taché ite.
|
