Implant Naturns
Enaudazion y metuda en doura dla stazion de trasmiscion
dla RAS da adoré deberieda con d’autres aziendes
a Naturns.
Ai 15.10.2002 à la RAS, Radio - Azienda Südtirol,
con la prejenza dl President dla Provinzia, l dut. Luis Durnwalder,
y l ambolt de Naturns, l dut. Walter Weiss, fat jù en
doura la stazion de trasmiscion nueva dla RAS da adoré deberieda
con d’autres aziendes. La benediscion dl implant é vegnuda
fata dal decan, seniour Georg Peer.
L president dla RAS, Helmuth Hendrich, à auzé fora
te sies paroles de salut che la RAS é bele dai agn
segura che l prinzip de mete su stazions de trasmiscion per
deplù aziendes sie la dreta streda y che ela cialarà dl
sotegnì inant. La RAS se à enscì tegnì a
les normes nazionales y internazionales, ma ence a les fondamentes
dla lege dla Provinzia enstessa.
L President dla Provinzia, dut. Luis Durnwalder, à te
sia rejoneda sotrissé l interes dla Provinzia che
al vegne fat na emanazion tres na rei spartida su y con servisc
de comunicazion desferenc, perchel végnel dantaldut
sostegnì la costruzion de implanc de trasmiscion te
stazions da adoré deberieda, y chel ence per rejons
de sanité dla popolazion y per rejons de sconanaza
dla contreda y dla urbanistica.
Südtirol mess tegnì pea con i mudamenc dles
tecnologies nueves a livel europeich, zenza desmentié perchel
les ghiranzes y i bujegns locai.
Da chesta stazion de trasmiscion él vedù dantfora
la emanazion de programs radio y televijion dles stazions
publich-legales dla RAS y dla RAI y de aziendes de radio
privates desferentes (Radio Grüne Welle, Canale 5, Italia
1, Rete 4, Videobolzano 33). Souraprò é chesta
stazion ence de utl per servisc de funch dla Provinzia (AVS,
Aiut Alpin, Forst, Crousc blancia, protezion zivila y e.
i.), carabiniers y polizia, desche ence per les aziendes
de telefons zelulars Omnitel, TIM y Wind.
La stazion de trasmiscion é vegnuda metuda su sun
enciaria dl Govern dla Provinzia sciche infrastrutura da
adoré deberieda.
Mé una na soula seva de trasmiscion per duc i servisc
de comunicazion publics-legai y privac à dantaldut
doi vantajes: da una na pert chel tecnich per emané y
dal’autra pert chel dla planificazion dla luegia y
dla contreda. L frabicat de seves de trasmiscion da adoré deberieda
schiva de messei mete su deplù seves y an se sparagna
de messei desfé lueges desferentes tl ambient.
Dac dl implant a Naturns
Fotogalerie
|
