Implant Laion

Inaugurazion y daurida ofiziala dla posizion dl canal dla RAS a Perbian.

La firma radiofonica de Südtirol RAS à daurì ai 30.10.2006 en prejenza dl'assessoura provinziala dot.a Sabina Kasslater Mur sciche ence dl ombolt da Perbian Isidor Puntaier la nueva posizion dl canal dla RAS a Perbian. La benedescion dla infrastrutura é vegnuda fata dal curat da Perbian signour Heinrich Kamelger.
L president dla RAS Helmuth Hendrich à fat referiment al fat che la RAS à porté inant con convinzion y te na maniera consecuenta l prinzip dla realisazion de posizions di canai coletives da plu de diesc agn. La realisazion de infrastrutures gestides deberieda à desmostré de jì dret ben y vegn ence veduda dret de bon uedl da chi che l'adora ensema. Ence la domanda tres plu sterscia de podei anuzé deberieda les posizions dla RAS desmostra chest.
L'assessoura provinziala dot.a Sabina Kasslatter Mur à sotligné l interes dla provinzia de na fornidura ampla con i servisc de comunicazion desvalifs, perchel végnel sostegnì dantaldut la realisazion de posizions de canai coletives per rejons de sconanza dla sanité dla popolazion, dla sconanza dla contreda y per chestions urbanistiches. Südtirol muess se tegnì al vare con les tecnologies nueves adoredes soura duta l'Europa, zenza perchel se desmentié di bujegns y dles ghiranzes dl post. Chest ne vala nia da fé tres satelic, ma tres strutures de canai terestres.
Da chesta posizion dl canal nueva chilò a Perbian vegniràl slargé fora programs radiofonics y televisifs dles firmes de trasmiscion publich-iuridiches RAS y RAI sciche ence i servisc de fonins dles firmes H3G, TIM, Vodafone y Wind. Emplù dess ence i servisc de trasmiscion dla provinzia (protezion zivila, aiut alpin, forestala, Crousc Blancia, AVS, y e.i.), les forzes de segureza (Carabinieri, Finanza, Polizia) y les firmes radiofoniches privates podei s'anuzé de chesta posizion.
La infrastrutura de trasmiscion é vegnuda fata su sun enciaria dla Provinzia sciche infrastrutura coletiva. Enchina encuei él vegnù fat su bele soura duta la provinzia 20 de de tel infrastrutures de trasmiscion. L'adoranza coletiva de chestes posizions de canai é zenzauter juda ben. Dant diesc agn vegnìvel adorè coletivamenter les posizions de trasmiscion RAS demé da 16 servisc de comunicazion desvalifs. Ti ultims agn él cresciù dassen la domanda. Aldidancuei sonse ruvés belau a 360 adoranzes coletives. Enscila él mesanamenter sis anuzadours sun vignuna dles 60 posizions de trasmiscion dla RAS. Chest confermeia l gran debujegn y la importanza de realisé chestes infrastrutures.
Demé un n pel de trasmiscion per i servisc de comunicazin publich-iuridics y privac à dantaldut doi vantaji: empruma chel tecnich de trasmiscion y dapò chel lié ala contreda y a la planificazion di insediamenc. Con la costruzion de infrastrutures de trasmiscion coletives n'àn nia plu bria de mete su n grum de pei de trasmiscion y limiteia enscila l plu che ala va l intervent tla contreda. N aspet positif é tl caje de Perbian ence l fat che dutes les vedles infrastrutures che fova bele dant man à podù vegnì trates ju canche al é vegnù fat su la posizion de trasmiscion coletiva, l cheder dla contreda da n iade à podù vegnì realisé indò y l servisc per i zitadins é vegnù mioré.

Dac dla infrastrutura de Laion

Fotogalerie

l implant nuef

La inagurazion dla infrastrutura é vegnuda tegnuda da (da man ciancia): Diretour dla RAS Georg Plattner, ombolt dl comun de Laion signour Isidor Puntaier, president dla RAS Helmuth Hendrich, assessoura provinziala Sabina Kasslatter Mur.

La benedescion dla infrastrutura él sté l curat da Perbian, signour Heinrich Kamelger, che à tegnì.

Les infrastrutures dant man sun la posizion da ca dant.