BIS: Sistem de informazion per la jent

Per informé debota la popolazion tl cajo de desgrazies, él da pert dl’aministrazion provinziala de Südtirol vegnù enjigné ite l „Sistem de informazion per la jent“ che lascia pro che l ofize per protezion zivila feje interuzions de programs radio per dì tres valch o che al mete ite n test curt tl cheder dla televijion.

Dlongia ciamò d’autres stazions radio fej ence la RAS pea pro chest sistem. Enscì él meso de arjonje, demé tres nosta rei che tol ite 113 implanc de trasmiscion, entourn l 98% dla popolazion. Defata do che les sirenes dla protezion zivila à soné, végnel dé informazions y recomanazions a la popolazion tocheda tres radio y televijion.

Chiló eise na descrizion curta dla maniera de funzionament dl sistem BIS tres les trasmiscions de televijion dla RAS.

Les anunzies de avertiment é memorisedes te na forma curta te doi rejonedes ti computri di studafuech de mestier y dla zentrala per l trafich. Sce al va debujegn vegn chest test mané dal computer tres funch fin al trasmitent zentral dla RAS sun l Penegal. Iló vegn l test metù ite tres ensci nominés „inserc scric“ ti programs de televijion ORF1, ORF2, ZDF, ARD y SF1, y tres la rei de emanazion végnel mené inant a dutes les stazions de televijion.

Schema dl BIS tres televijion