Cronaca

03.01.1954	(Talia) La RAI met man d'emané un n program de televijion. Emanazion deplen soura dut l raion empermò al scomenciament dl 1957.
01.11.1954	(BRD-Paejes Todesc) Enviament dl'emanazion dl program de televijion tl ARD "Deutsches Fernsehen" nazional di Paejes Todesc.
26.01.1956	(Südtirol) Te n valgugn raions de Südtirol vegn la rei de televijion dla RAI ativeda en ucajion di Juesc Olimpics a Cortina d'Ampez.
01.01.1957	(Austria) Mete man dl'emanazion regolara dla televijion dl' Austria.
27.03.1957	(Südtirol) N letour dla zaita dal di „Dolomiten“ fej te na letra tla medema zaita la proponeta de mete a desposizion les tramiscions austriaches dl radio y dla televijion a la popolazion de Südtirol, metan su repetitours sun pizes de creps aldò.
01.01.1958	(Austria) La Sozieté dl Radio Austriach (Österreichischer Rundfunk Ges.m.b.H) tol su si laour.
1958	(Svizra) Mete man dl servisc de televijion regolar sota l inom "Schweizer Fernsehen" (Televijion Svizra)
29.10.1958	(Südtirol) Aprovazion dla lege provinziala nr 7 che reverda i conseis de cultura y la fondazion culturala dla Provinzia. Tl articul 2 végnel dit chestes paroles: „Integrazion dles grupes de rejoneda todescia y ladina con l RAION CULTURAL todesch y ladin“.
15.12.1958	(Tirol/ORF) L UKW y la gran stazion de televijion sun l Patscherkofel dlongia Dispruch met man con sies emanazions.
29.12.1958	(Südtirol) La zaita dal di „Dolomiten“ scriv ai 25.12.1958 che da la una de domans inant fòvel da vedei l program de televijion dl ORF a Bulsan.
10.01.1959	(Südtirol) La zaita dal di „Dolomiten“ scriv che an veid a Persenon l ORF y che tla ostaria Kreuztal sun la Plose vedòven bele dan l’instalazion dla stazion dl ORF sun l Patscherkofel la televijion todescia.
1960	(Südtirol) Sepp Haller a Sterzin, Helmut Schäfer a Bulsan y Helmuth Hendrich a Maran prova duc trei zenza savei di autri doi a ciapé ite segnai de televijion de rejoneda todescia con l fin di deraié inant tres cabli o repetitours.
09.02.1960	(Südtirol) L Consei Provinzial aproveia l dessegn dla lege provinziala nr 81 che reverda la valivanza dles grupes de rejoneda tles trasmiscions de radio (ne reverda ciamò nia la televijion, ajache l „Sender-BZ“ dla RAI met empermò tl 1966 man con l’emanazion de n program de televijion).
12.03.1960	(Roma/Südtirol) L Consei di Ministri dejaprova l dessegn dla lege provinziala nr 81/1960 pervia che la Provinzia ne à nia la competenza de decreté leges tl ciamp dl radio y dla televijion.
13.07.1960	(Talia) Con la sentenza nr 59 giustificheia y atesteia la Court Costituzionala l monopol dla RAI tl setour dl radio y dla talevijion, perauter pervia dla ciarestia dles frecuenzes.
06.10.1960	(Südtirol) Delibera de artenienza nr. 81-bis dl Consei Provinzial en cont dl dessegn dla lege provinziala nr 81/1960.
06.06.1961	(BRD – Paejes Todesc) I presidenc dl Consei di Ministri di stac federai sotescriv n contrat statal per la fondazion dl ZDF (Contrat Statal dl ZDF).
11.07.1961	(Talia/Südtirol) Sentenza nr. 46 dla Court Costituzionala: Dejaprovazion dl dessegn dla lege provinziala nr 81-bis/1960.
01.09.1961	(Roma/Südtirol) Istituzion dla „Comiscion per l stude di problems de Südtirol“ (Comiscion di 19) tres l Consei di Ministri.
04.11.1961	(Talia/RAI) An pò vedei l program nazional dla televijion RAI DUE.
16.03.1962	(Roma/Südtirol) La Comiscion di 19 aproveia la formulazion per la facolté primara dla legislazion dla Provinzia de Bulsan en cont dla materia „manifestazions y ativités artistiches, culturales y educatives de interes local ence tres radio y televijion“.
D’auril dl 1963	(Sterzin) Secuestrazion dla stazion de deviament per l program dl ORF de Sepp Haller sun Schmuders.
01.04.1963	(BRD – Paejes Todesc/ZDF) Mete man dl’emanazion dl ZDF.
10.04.1964	(Roma/Südtirol) La relazion dla comiscion di 19, longia de n 75 plates, ti vegn sourandeda al President di Ministri Aldo Moro. Les proponetes te chesta relazion é da entene sciche minimum de recomanazions per l’azetanza da pert dl Consei di Ministri per l ampliament dl’Autonomia.
1965	(Sterzin) Sepp Haller met man de servì tres cabl la zité de Sterzin con l program de televijion dl ORF.
1965	(Überetsch) Helmut Schäfer met su n’antena de rezezion auta de n 30 metri per l ORF1 y emaneia l program de vers dl Überetsch.
11.10.1965	(Südtirol) L Govern Provinzial fej fora a una de prié bel l Minister dla Posta Carlo Russo de envié via les mesures che va debujegn per podei vedei i programs de televijion de stazions de rejoneda todescia di stac che confineia con Südtirol.
21.10.1965	(Südtirol/Roma) L President dla Jonta Provinziala Magnago ti scriv na letra a Russo. Al se refej parola per parola a les proponetes dla comiscion di 19.
De dezember dl 1965	(Persenon) L comerziant Arthur Kofler servesc tres na conduta a cabl Persenon y la vejinanza con l program de televijion dl ORF.
07.02.1966	(Südtirol) Mete man dles trasmiscions televijion tla rejoneda todescia tres l „Sender Bozen“ dla RAI a Bulsan.
01.01.1967	(Austria) Al va en forza dla lege nueva per l radio. Autonomia di programs, l personal y les finanzes per l ORF. Ampliament dla rei de trasmiscion y reforma di programs.
25.08.1967	(BRD – Paejes Todesc) Mete man dla televijion a colours (sistem-PAL) ti Paejes Todesc con l druché te n pom da pert de Willi Brandt sun la mostra de funch internazionala (IFA) a Berlin.
18.09.1967	(Tirol/ORF) Hannes Hauser deventa intendent dl ORF tl Tirol. Te sia rejoneda per la sourantouta dla stiera àuzel fora sciche fin dl ORF de mete a desposizion si programs a Südtirol.
01.10.1967	(ORF) Fondazion dl Ö3 sciche stazion de radio per la mujiga pop.
29.03.1968	(Maran) L di de San Ujep é Hendrich bon de ciapé l segnal dl program FS1 dl ORF bel cler y da audì ben a Mittager sun la mont de Maran 2000.
Tl 1968	(Roma/Südtirol) Parlamentars dla SVP ti porta dant al Minister dla Posta y al President di Ministri en ciaria la chestion dla televijion (= Rezezion de programs de televijion tla rejoneda todescia da foradecà).
De setember dl 1968	(Maran) A Maran se met su na comunanza de interesc, pro chela che ence l avocat Klaus Dubis y l marciadent de radios Helmuth Hendrich fej pea. Compra de n cabl de 560 metri de lungheza, racoiuda de sotescrizions y tratatives con la zité y i patrons di grunc en cont di laours de mete ju l cabl.
24.10.1968	(ORF/Tirol) La stazion de trasmiscion sun l Patscherkofel emaneia sen ence l secont program de televijion dl ORF, l FS2.
Tl 1969	(Südtirol) Erich Mair ciapa ite l segnal dla televijion dl SRG sun l Piz Sielva a confin con la Svizra y l emaneia inant de vers dla Val Venuesta enfin a Maran. L Ministere dla Posta ne intervegn nia. L projet de Maran con l cabl vegn lascé tomé. Hendrich emaneia de sia bona l segnal dl ORF tres n repetitour da la mont de Piffing enfin a Maran. Schäfer servesc da Petersberg (Nueva Todescia) fora duta Bulsan con l segnal dl ZDF. Scomenciadives valives vegn ence metudes a jì da marciadenc de radios ti autri raions dla Provinzia.
22.11.1969	(Südtirol) La senteda provinziala dla SVP aproveia l „Paket“ (n grum de mesures per l slariament dl’Autonomia). Chi che é de contra al „Paket“, raudla anter auter su la chestion daverta dla televijion. L Sourastant dl Partit Magnago preziseia che l fat de nia avei tout en conscidrazion la chestion, ne scluj nia fora na realisazion tl davegnì.
29.11.1969	(Kopenhagen) Waldheim y Moro azeta l „Paket“ y l calender de operazion.
3.-05.12.1969	(Talia/Austria/Südtirol) Ciamena y Senat aproveia l „Paket“ y l calender de operazion.
16.12.1969	(Austria/Talia/Südtirol) L Consei Nazional é a una con l „Paket“ y l calender de operazion.
D’auril dl 1970	(Südtirol) La direzion dla joentù provinziala tol la dezijion de mete a jì na azion de sotescrizions en cont dla chestion dla televijion. Ai ciapa adum 30.000 sotescrizions.
Tl 1970	(Südtirol) L senatour Brugger envieia con papier da letres dla SVP duc i promotours de Südtirol per rejoné y per sclarì ciugn che é i varesc da fé tl davegnì per la legalisazion dla situazion atuala dla televijion (Comiscion dla televijion dla SVP). Al vegn metù su na grupa de trei persones (Dubis, Hendrich, Schäfer) con la enciaria de enjigné ca n stude per podei realisé na rei nueva.
22.09.1970	(Südtirol) Entant les „Edemes dles scoles autes de Südtirol“ él vegnù metù su l cercl de laour „Problems de rezezion di programs dla televijion ti paejes tla Elpes“. Chest cercl laora fora na relazion de resultac y na relazion tecnica, olache al vegn sclarì avisa les poscibeltés de rezezion di programs dla televijion da foradecà.
De jené dl 1971	(Südtirol) La Procura dla Republica envieia via na prozedura d’ejaminazion contra n gran numer de persones con stazions con repetitours.
30.03.1971	(Südtirol) Delibera dl Govern Provinzial de mete su na comiscion d’esperc per laoré fora n bonarat tecnich-giuridich en cont dla rezezion de programs de televijion dal raion cultural de rejoneda todescia (Dubis, Hendrich, Schäfer).
D’agost dl 1971	(Südtirol) L bonarat tecnich-giuridich dla grupa d’esperc de televijion, gros de n 82 plates, ti vegn sourandé al Govern Provinzial. Al mostra su la poscibelté de realisazion dla cossa en chestion. L preventif dles speises amonta a ntourn n doi miliarc de lires.
De dezember dl 1971	(Roma) L senatour Bosco met dant n dessegn de lege en cont de na rezezion direta de programs de televijion te raions de confin con mendranzes reconesciudes dal stat nazional.
31.08.1972	(Talia/Südtirol) Con la lege dl D.P.R. nr 670 dl 31.08.1972 végnel autentifiché la recoiuda di tesć dles leges costituzionales che reverda l statut spezial per l Trentin-Südtirol da pert dl President dla Republica Giovanni Leone (Statut d’Autonomia Nuef).
20.11.1972	(Talia/Südtirol) Publicazion dl Statut d’Autonomia Nuef.
15.12.1972	(Talia/RAI) La convenzion dla RAI che toma ai 31 de dezember dl 1972 vegn slongeda enfin ai 31.12.1973.
29.03.1973	(Talia/Südtirol) Tla comiscion di 6 (articul 107, coma 2, Statut d’Autonomia Nuef) se damana Riz y Benedikter che al vegne tout su d’urgenza tl orden dl di la chestion dla televijion.
04.04.1973	(Talia/Südtirol) Benedikter ti met dant a la comiscion di 6 na poponeta dla norma d’atuazion dl articul 8, pont 4, dl Statut d’Autonomia Nuef en cont dla chestion dla televijion, ti jontan pro l bonarat dla grupa d’esperc de televijion.
D’auril y de mei dli 1973	(Talia/Südtirol) La comiscion di 6 se dà ju con la chestion dla televijion.
12.06.1973	(Talia/Südtirol) L Govern Andreotti aproveia la norma d’atuazion laoreda fora da la comiscion di 6 y metuda dant al Govern per l’azetazion. Chest Govern se tira l di do zeruch.
30.07.1973	(Südtirol) Aprovazion dl Govern Provinzial de lascé laoré fora n bonarat tecnich en cont dla sourantouta tl davegnì di implanc bele dant man da pert dla Provinzia.
19.09.1973	(Südtirol/ORF) Discuscions anter i enciariés dal Govern Provinzial Dubis, Hendrich, Schäfer y reprejentanc dl ORF. L ORF é en linia de prinzip a una de mete a desposizion debant si programs per Südtirol. L GI (Intendent general) Gerd Bacher y Dubis sotescriv na proposta de contrat, laoreda fora deberieda.
08.10.1973	(Südtirol/RAI-Bulsan) Pruma anconteda con reprejentanc dla RAI (tecnica y aministrazion) y la Provinzia en cont dla colaborazion tecnica.
01.11.1973	(Talia/Südtirol) Con la lege dl D.P.R. nr 691 vegn la norma d’atuazion aproveda dal Govern Andreotti y autentificheda da pert dl President dla Republica Giovanni Leone.
16.11.1973	(Talia/Südtirol) La lege dl D.P.R. 691/73 vegn publicheda. L articul 10 autoriseia la Provinzia de Bulsan de mete su na rei „che é adateda per podei audì y vedei tl medem moment programs de radio y de televijion de stazions di raions culturai de foradecà de rejoneda todescia y ladina tl raion dla Provinzia de Bulsan, adoran duc i mesi che al va debujegn per realisé chest tant“.
22.11.1973	(Südtirol/ZDF) L ZDF empermet a la delegazion provinziala, metuda adum dal assessour provinzial Zelger, Dubis, Hendrich y Schäfer, de mete a desposizion debant si programs de televijion. Al vegn sotescrit na proposta de contrat aldò.
28.11.1973	(Südtirol/SRG) La SRG é ence a una de mete a desposizion debant si programs.
01.12.1973	(Talia/Südtirol) La norma d’atuazion va en forza. Mete man dl termin di 90 dis per l passaje di implanc provisores tla proprieté dla Provinzia.
20.12.1973	(Talia) La conzescion dla RAI vegn slongeda enfin ai 30.04.1974.
04.01.1974	(Südtirol) Delibera dl Govern Provinzial en cont dla compra dl implant aldò dla lege dl D.P.R. 691/73. Chest implant vegn declaré de utl publich.
18.01.1974	(Südtirol/ORF/ZDF) Al vegn sotescrit convenzions anter l ORF, l ZDF y la Provinzia de Bulsan da pert dl GI (Intendent general) Bacher, l giurist Fuhr y l Sourastant dla Provinzia Magnago a Bulsan.
13.02.1974	(Südtirol) I implanc de trasmiscion privac ruva pro la Provinzia. 101 patrons sotescriv i contrac de compra aldò tla Cësa de Cultura Walther. La vedlanza tecnica resta per entant ciamò a d’ëi (contrac de assistenza).
27.02.1974	(Südtirol/ARD) Sotescrizion dla convenzion con l ARD da pert de Dubis sun enciaria dl Sourastant dla Provinzia Magnago.
08.04.1974	(Südtirol/SRG) Sotescrizion dla convenzion con l SRG.
D’aisciuda dl 1974	(Südtirol/Roma) Tratatives d’atribuzion dles frecuenzes con l Ministere dla Posta a Roma.
30.04.1974	(Talia) La conzescion dla RAI vegn slongeda enfin ai 30.11.1974.
05.07.1974	(Südtirol/Roma) Sentedes dezisives a Roma anter reprejentanc dla Provinzia (Dubis, Hendrich, Schäfer) y l Ministere dla Posta en cont dla atribuzion dles frecuenzes per „entant per doi programs de televijion“.
01.09.1974	(Südtirol/ORF) Daurida de n ofize dl ORF a Bulsan con l corespondent Leonhard Paulmichl.
10.01.1975	(Südtirol) L Consei Provinzial aproveia l dessegn de lege provinzial nr 67/74 en cont dla istituzion dla "RAS – Radio-Azienda Südtirol".
13.02.1975	(Südtirol/RAS) Lege provinziala nr 16, lege-RAS: Vidimazion da pert dl Comissar dl Govern De Pretis y autentificazion tres l Sourastant dla Provinzia Magnago.
04.03.1975	(Südtirol/RAS) Publicazion dla lege provinziala nr. 16 dl 13.02.1975. Ala va en forza l di do.
07.04.1975	(Südtirol) I tecnics dla RAI ti sourandà al Govern Provinzial l „plan nuef dla rei de televijion te Südtirol“.
14.04.1975	(Talia) Lege statala nr. 103, lege nueva dla RAI.
22.05.1975	(Südtirol/RAS) Nominazion dl consei d’aministrazion dla RAS tres na delibera dl Govern Provinzial. President deventa Klaus Dubis.
05.07.1975	(Südtirol/ORF) Daurida ofiziala dl ofize dl ORF a Bulsan.
11.08.1975	(Talia) La conzescion dla RAI vegn slongeda per sies agn.
01.09.1975	(Südtirol/RAS) L assessour provinzial Anton Zelger met su l consei d’aministrazion dla RAS.
31.10.1975	(Südtirol) L president dla RAS Klaus Dubis sotescriv i mandac de paiament a ben de duc i assistenc per la perioda dai 01.07.1973 enfin ai 30.06.1975.
19.12.1975	(Südtirol/RAS/RAI) Sotescrizion dla convenzion anter la RAI y la Provinzia de Bulsan/RAS.
28.12.1975	(Südtirol) La zaita dal di "Alto Adige" scriv sun la pruma stazion de radio privata te Südtirol (Radio Bolzano Dolomiti).
06.05.1976	(RAS/DBP) Sotescrizion dl contrat d’esecuzion de laours anter la RAS y la posta statala di paejes todesc (DBP), la direzion a cef dla posta de Minca, per l’atuazion de mesurazions per lueges nueves per trasmitenc.
D’isté dl 1976	(Südtirol) Trupes de mesurazion dla RAI y dla DBP fej mesurazions per lueges nueves per la RAS.
28.07.1976	(Talia) La sentenza nr 202 dla Court Costituzionala auza l monopol dla RAI al livel dl radio local.
De setember dl 1976	(Südtirol/RAS) La Provinzia lascia scrive ite tl plan urbanistich di comuns lueges per dodesc implanc dla RAS.
03.12.1976	(Südtirol/RAS/ORF) Mete man dla proa de trasmete l Ö3 y l Ö2 (Radio Tirol) dl ORF tres les stazions dla Plose, de Plan de Corones, de Perdonig, de Meransen, dl Penegal y d’Al Plan de Mareo.
10.03.1977	(Südtirol/RAS) L Govern Provinzial decreteia l regolament d’esecuzion en cont dla lege-RAS.
13.05.1977	(Roma/RAS) L Ministere dla Posta declara ai reprejentanc dla RAS en linia de prinzip la desponibelté dla ASST de ti mete a desposizion n percurs de trasmiscion sun la destanza de Hühnerspiel-Plose-Kohlern-Penegal per l trasport de doi programs de radio y per doi programs de televijion.
01.06.1977	(RAS) Klaus Gruber vegn nominé diretour dla RAS.
Dai 10 de setember enfin ai 10 d’otober dl 1977	(Südtirol) Azion dai schi dla RAS y dl ORF: al vegn tout su contat con entourn n 10.000 persones te 25 luesc. Al vegn fat na azion con chestionars.
22.11.1977	(ORF/Südtirol) Sun l program FS1 dl ORF végnel fat al savei chi che à venciù l’azion con i chestionars. 699 persones à emplenì fora i chestionars y i à manés zeruch.
07.04.1978	(Südtirol/RAI/RAS) Enaudazion di prums implanc dla RAI-RAS sun l Penegal y la Plose. I implanc é dla RAI y do avei fat certes restruturazions aldò, ti végnei ence metus a desposizion a la RAS per i nuzé deberieda.
27.07.1978	(Südtirol/RAS) La lege provinziala nr 43, coma 4, veid dant repetitours micro ("implanc articul 4") per corì de mendri raions te ombria y che vegn metus su dai comuns. La RAS sourantol l’assistenza tecnica di implanc.
26.10.1978	(Südtirol/RAS) Metuda en funzion dl prum repetitour de proprieté dla RAS y San Martin am Kofel.
16.02.1979	(Südtirol/RAS/“Sender Bozen“ dla RAI) Sotescrizion dla convenzion d’atuazion anter l „Sender Bozen“ dla RAI y la RAS en cont dl’acordanza RAI-RAS dl 19.12.1975 da pert de Dubis y l diretour dla RAI Mario Nesler a Antholz/Mittertal en ocajion dla metuda en funzion de cater repetitours nuefs per la pert zentrala dla valeda de Puster.
28.06.1979	(Tirol/Südtirol) Delibera di Conseis Provinziai dl Tirol y dl Südtirol en cont dla instalazion de n colegament funch de direzion (Richtfunkverbindung) anter Dispruch y Bulsan.
Mai 1979	(RAS) L conseier provinzial y president dla RAS Klaus Dubis se tira zeruch sciche president per gauja de na clausola incompatibla tla lege litala. Helmuth Hendrich, vizepresident en ciaria dla RAS, deventa si suzessour.
23.05.1979	(Bulsan/RAS) La RAS trapina con sia senta tla streda Isarch nr 6. La repartizion tecnica y chela de planificazion é tla streda Dante y tl Münzbankweg.
12.11.1979	(Südtirol/RAS) L Govern Provinzial nomineia l consei d’aministrazion nuef dla RAS.
15.12.1979	(RAI) L terz program nazional dla televijion dla RAI, l RAI TRE, va en trasmiscion.
De fauré dl 1980	(RAS) La RAS laora fora n stude de n projet per n colegament funch de direzion (Richtfunkverbindung) Dispruch – Bulsan.
01.04.1980	(Südtirol/ORF) La Ras met man d’emané l Ö1 y entant l mens d’auril ence l program de televijion SRG.
19.04.1980	(Roma/RAS) L Ministere dla Posta envieia la RAS de nia plu emané i programs dl ZDF tl temp de cinch dis, ajache la competenza de chestes frecuenzes dl plan de frecuenzes nazional é reserveda al Ministere de Defendura.
30.04.1980	(Roma/RAS) L Ministere dla Posta y la RAS se la fej fora en cont dl’emanazion di programs dl ZDF.
21.05.1980	(Talia/Austria) La ÖPT, la ASST, la RAS y la RAI se la fej fora en cont dl colegament funch de direzion (Richtfunkverbindung) Patscherkofel-Bulsan per doi programs de televijion tla terza priorité.
20.06.1980	(RAS/Maran) Enaudazion dl repetitour per televijion dla RAS tla luegia dl trasmitent dla RAI sun l Segenbühel soura Maran. Festa de cinch agn de vita dla RAS.
D’isté dl 1980	(RAS) La RAS met man de enjigné ca n plan de frecuenzes provisore per la 3. rei dla televijion.
08.08.1980	(Südtirol/RAS) La RAS muda la frecuenza per l program dl ZDF aldò dla convenzion con l Ministere dla Posta dl 30.04.1980.
D’auton dl 1980	(RAI/RAS) La RAI y la RAS se prejenteia deberieda pro l medem stont sun la fiera de Bulsan. La RAS mostra l test-video dl ORF.
15.01.1981	(Talia/Austria/Südtirol) Metuda en funzion provisora dla linia funch de direzion-ÖPT/ASST (Richtfunkstrecke) per l program FS1 dl ORF.
01.03.1981	(Talia/Austria/Südtirol) Metuda en funzion definitiva dla linia funch de direzion-ÖPT/ASST (Richtfunkstrecke) (Patscherkofel-Hühnerspiel-Plose-Kohlern-Penegal) per l program FS1 dl ORF.
21.07.1981	(Talia) Con la sentenza nr 148 conferma la Court Costituzionala l monopol nazional dla televijion a la RAI, ma ala indichea ence che la daurida dla televijion nazionala depenarà per i privac da na regolamentazion-anti-monopol efizienta.
10.08.1981	(Talia) Renovament dla conzescion dla RAI.
26.11.1981	(Roma/RAS) Reprejentanc dl Ministere dla Posta é a una d’ejaminé la proponeta dla RAS per la 3. rei dla televijion.
28.05.1982	(Südtirol) Delibera dl Govern Provinzial en cont dla istituzion de na 3. rei dla televijion per vedei n terz program de televijion tla rejoneda todescia. L ORF garantesc de pité debant l program FS2 dl ORF.
08.06.1982	(Tirol/Südtirol) Undejeisema senteda deberieda di Conseis Provinziai dl Tirol y dl Südtirol a Bulsan. L assessour regional Dubis met dant na relazion sun la „linia funch de direzion (Richtfunkstrecke) Dispruch-Bulsan“ che vegn touta en conscidrazion dai Conseis Provinziai.
25.07.1982	(RAS/Roma) La RAS fej domanda formala al Ministere dla Posta per l’assegnazion dles frecuenzes che va debujegn per na terza rei dla televijion.
17.12.1982	(Roma/RAS) Resposta dl Ministere dla Posta en cont dl’assegnazion dles frecuenzes per na terza rei dla televijion: sciche al someia él massa interferenzes con d’autres stazions de radio, perchel val debujegn de sburlé duta la chestion a n termen indeterminé.
29.03.1983	(RAS/Roma) La RAS fej domanda ofiziala per l’autorisazion de podei adoré provisoricamenter n colegament funch de direzion (Richtfunkverbindung) anter la Hohe Scheibe y l Penegal.
01.10.1983	(Bulsan/RAS) Senta nueva dla RAS tla streda Europa nr 164/a. Finalmenter é dutes les repartizions sota un n tet.
01.01.1984	(Paejes Todesc - BRD) Mete man dla televijion comerziala ti Paejes Todesch dla BRD.
Dai 18 ai 26.02.1984	(ORF/RAS) "Tirol 1809–1984". N chesta ocajion tol l ORF su n’edema mé tl Tirol sciche pont de majera emportanza dl program FS2. La RAS outa chestes trasmiscions dal FS2 via sun l FS1, ajache la rei dl FS1 veid scialdi deplù sudtiroleisc.
18.05.1984	(Roma/RAS) L Ministere dla Posta refuda la 3. rei dla televijion dla RAS.
12.10.1984	Dis di media a Bulsan. I referac di singui esperc vegn publichés l agn do te na brosciura de informazion en ocajion di 15 agn de vita dla RAS.
16.10.1984	(Talia) I magistrac de Roma, Torin y de Pescara secuestreia colegamenc funch de direzion (Richtfunkverbindungen) dles reis („networks“) dles televijions privates.
Dai 29 d’otober enfin ai 8 de dezember dl 1984	(Ginevra) Conferenza de planificazion UKW dla ITU. Al vegn tout en conscidrazion les trei reis dl radio dla RAS.
01.12.1984	(Paejes Todesc-BRD/Austria/Svizra) Mete man dl program de satelit per televijion adoré deberieda dal ZDF, l ORF y l SRG (3SAT). Dai 1. de dezember ruva ence laprò l ARD.
Dai 20 d’otober enfin ai 6 de dezember dl 1984	(Talia) L Govern Craxi decreteia decrec d’emergenza per la legalisazion dles reis dla televijion nazionala ("Decrec-Berlusconi").
04.02.1985	(Talia) L Parlament muda i decrec d’emergenza te na lege ordinara.
Fauré dl 1985	(RAS) Na stazion de trasmiscion UKW nueva sun l Penegal met man con si laour. Con si trasmitenc de 1,5-kW éla bona de servì duta la rei dl radio.
17.07.1985	(Roma/RAS) L Ministere dla Posta envieia la RAS de fé proes d’emanazion per ejams de soportanza per na 3. rei de trasmiscion.
02.09.1985	(Austria/Südtirol) Senteda dl comité de contat Nord-/Südtirol a Viena. L assessour provinzial Zelger porta dant ai comembri dl Ministere per i afars con l fulestier austriach i problems en cont dla 3. rei dla televijion y dl colegament funch de direzion (Richtfunkverbindung) Penegal-Hohe Scheibe-Patscherkofel.
De november dl 1985	(RAS) Na stazion de trasmiscion nueva per l ORF1 y l ZDF sun l Penegal. Potenziament dla forza de trasmiscion da 0,7 kW a 10 kW per vigni program. Miorament dla rezezion dla televijion tla valeda dl Isarch y de Puster.
17.12.1985	(RAS) I ejams tecnics per la 3. rei dla televijion vegn scluc ju con n resultat positif (degunes interferenzes con la RAI y trasmitenc privac) y ai ti vegn menés al Ministere dla Posta per na ejaminazion y per na touta de posizion.
De dezember dl 1985	(RAS/ZDF) L ZDF vegn emané dal Penegal sciche prum program de televijion con l ton stereo.
20.02.1986	(Roma/RAS) L Ministere dla Posta autoriseia la RAS de trasmete desche proa l 3. program televijion sun la 3. rei dla televijion. Tl medem moment informeia l Ministere dla Posta la RAS che aldò de sies proes fates dantfora en cont di colegamenc funch de direzion (Richtfunkverbindung) fossa per chest i canai 5 enfin 8 tl setour 10-11 GHz chi plu adatés.
22.05.1986	(Austria/Südtirol) Discuscion con acordanza anter reprejentanc dla RAS, dl Govern Provinzial dl Tirol, dl ORF y dla direzion dla posta dl Tirol y dl Vorarlberg en cont dla reprejentanza dla pert austriaca dla linia de funch de direzion (Richtfunkstrecke).
11.06.1986	(Roma/RAS) Reprejentanc dla RAS, dl Ministere dla Posta y dla ASST se anconta a Roma pervia dla linia de funch de direzion (Richtfunkstrecke) Patscherkofel-Hohe Scheibe.
10.07.1986	(RAS/Roma) La RAS ti sourandà a la ASST l projet per la linia de funch de direzion (Richtfunkstrecke) Patscherkofel-Hohe Scheibe-Penegal.
13.08.1986	(RAS) L consei d’aministrazion dla RAS aproveia la pruma convenzion anter la RAS y n comun (Laion) per mete su n pice implant per n repetitour aldò dla lege provinziala 43/1978, coma 4.
13.08.1986	(RAS) Delibera dla RAS per l’autorisazion dla pruma convenzion anter la RAS y n ent publich (ENEL) en cont dl’adoranza deberieda de lueges de trasmiscion dla RAS (Val Venuesta Auta).
04.11.1986	(Paejes Todesc-BRD) La cuarta sentenza en cont dla televijion dla Court Costituzionala di Paejes Todesc fisseia l’amissibelté dles stazions de televijion comerziales. I controi dess vegnì fac da enc di media provinziai te chi che les grupes soziales é reprejentedes. I servisc de programs de radio publich-legai tol ite la posizion dl „servisc basa“ per la popolazion con programs de informazion, formazion, cultura y mendranzes.
27.11.1986	(Sarntal/RAS) L comun de Sarntal scriv fora l’autorisazion per la costruzion dla stazion de colegament de funch (Richtfunkstation) Hohe Scheibe.
03.04.1987	(Paejes Todesc-BRD) Sotescrizion dl contrat nazional dl radio da pert di Presidenc di Ministri di stac federai. La televijion comerziala va sen en doura per lege soura dut l raion dl stat (Sistem radio dual).
30.07.1987	(RAS) Mete man di laours de costruzion dla stazion de colegament de funch (Richtfunkstation) Hohe Scheibe.
D’isté dl 1987	(Austria/Südtirol) Convenzion souraprò a la convenzion dl ORF dl 1974: la RAS mess se cruzié de chi derc d’autor che ne vegn nia paiés fora dal ORF. Ma l ORF sclaresc che pro la compra de programs, cómprel ence i derc d’autor aldò per Südtirol. Acordanza de interpretazion en cont dl colegament funch de direzion (Richtfunkverbindung). Acordanza souraprò con l ORF y l Govern Provinzial dl Tirol en cont dl finanziament dl implant funch de direzion (Richtfunkeinrichtungen) ciamò da fé su sun l Patscherkofel.
28.09.1987	(Austria/ORF) Mete man dla fasa pilot dla televijion locala pro l ORF.
1987	(RAS/DBP/ÖPT/ASST) Conclujion dles tratatives con l’aministrazion dla posta todescia y autriaca en cont dl enviament dl program dl ZDF da la Zugspitze al Patscherkofel y l enviament de chest program y di trei programs de radio y doi programs de televijion dl ORF dal Patscherkofel enfin sun la Hohen Scheibe; con la ASST en cont di adatamenc che jiva debujegn sun l Penegal per podei dé ite tla rei de trasmiscion dla RAS i programs nominés dessoura.
02.05.1988	(Austria) La televijion locala dl ORF tol su si servisc.
13.06.1988	(Südtirol/RAS) Delibera dl Govern Provinzial en cont dles proes de trasmiscion di programs televijion dl ARD y dl SRG.
14.07.1988	(Talia) Con la sentenza nr 826 conferma la Court Costituzionala la costituzionalité dl decret d’emergenza per la televijion dl 1984 con referiment al carater provisore de chest regolament.
15.10.1988	(Austria/Südtirol) Al vegn metù man con l’emanazion dl FS2 dl ORF tres la rei de trasmiscion profescionala dla RAS.
17.04.1989	(Südtirol/RAS) L Govern Provinzial nomineia l consei d’aministrazion nuef dla RAS.
22.05.1989	(RAS) Istituzion dl consei d’aministrazion nuef da pert dl assessour provinzial per la cultura Bruno Hosp.
Dai 1. enfin ai 3 d’otober dl 1989	(RAS/ZDF/ORF/SRG) Sun envit dla RAS végnel metù a jì a Maran l congres dla coproduzion dl ZDF, l ORF y l SRG.
14.11.1989	(Tirol/Südtirol) I Conseis Provinziai dl Tirol y dl Südtirol aproveia na mozion en cont dl barat de programs de radio anter Tirol y Südtirol tres funch de direzion (Richtfunk).
Fin dl 1989	(RAS/SRG) L program dl SRG ne vegn nia plu pié su sun l Piz Sielva, ma sun l Patscherkofel da la conduta funch de direzion (Richtfunkleitung) Bregenz-Viena. Al vegn desvié da la „Ges.m.b.H. Cabl-TV-Viena“ y mané tres funch de direzion (Richtfunk) soura la Hohe Scheibe via sun l Penegal (per chest jìvel debujegn dl’aprovazion dles autorités dla posta dla Svizra y dl’Austria, sciche ence n vegnì encontra straordinar dla „Ges.m.b.H. Cabl-TV-Viena“).
Ai 30 y ai 31 de mei dl 1990	(Austria/Talia) Senteda dla comiscion dl „Accordino“. Delibera de enciarié na grupa d’esperc che dess fé propostes tecniches y finanziales per trasmiscions de televijion dla RAI fora tl Tirol y tl Vorarlberg.
06.08.1990	(Talia) Le lege statala nr 223 „Regolament dl sistem de televijion publich y privat“ (Lege Mammì), coma 2, fisseia che la RAS é n „servisc de radio publich de interes nazional“.
06.09.1990	(Tirol/Südtirol) Mete man dl servisc dla linia funch de direzion (Richtfunkstrecke) Dispruch-Bulsan do che la stazion funch de direzion (Richtfunkstation) Hohe Scheibe é vegnuda dertureda su defin.
24.01.1991	(Talia/Südtirol) Con la sentenza nr 21 conferma la Court Costituzionala la competenza primara de legislazion dla Provinzia Autonoma de Bulsan a confront dl Ministere dla Posta ti ciamps dla urbanistica y i plans urbanistics en cont dla planificazion dles lueges per stazions de trasmiscion.
28.02.1991	(Paejes Todesc-BRD) Al vegn lascé vedei la trasmiscion „Bezahl-TV-Premiere".
28.05.1991	(Talia/Austria) Senteda a Dispruch anter reprejentanc dla RAS, l ORF, l Govern Provinzial dl Tirol, l Govern Provinzial dl Vorarlberg, l ÖPT-Dispruch, la RAI-Bulsan, la RAI-Talia, l Ministere per i afars foradecà, l „Telesystem Tirol“ y la Region Trentin-Südtirol en cont de programs de televijion dla 3. rei dla RAI (Comité d’esperc che é vegnù metù su da la comiscion mescededa dl „Accordino“ ai 31.05.1990).
18.11.1991	(Südtirol) Domanda da pert dl Govern Provinzial al Ministere dla Posta en cont dl’atribuzion dles frecuenzes y dl’autorisazion d’azionament per la trasmiscion de segnai de radio tres funch de direzion (Richtfunk) da Südtirol fora tl Tirol tl cheder dl barat de programs de televijion anter Trentin-Südtirol y Tirol("Projet RAI 3").
29.11.1991	(RAS) Delibera dla RAS de mete su te Südtirol na rei funch de direzion (Richtfunknetz) tla dimenscion de 10- y 14-GHz.
29.01.1992	(Talia) La ASST vegn lasceda su.
14.06.1992	(Austria/Talia) Congres dla comiscion mescededa dl „Accordino“ a Bregenz. L 3. program de televijion dla RAI, con les pertes todesces y ladines di programs, dess vegnì tout su tla rei a cabl dl Tirol y de Vorarlberg.
25.02.1993	(Südtirol/RAS) L Govern Provinzial enciaria la RAS de se cruzié dla realisazion dla conduta funch de direzion a cercl (Richtfunkringleitung) Bulsan-Dispruch-Bulsan.
21.05.1993	(Talia/Austria) Congres dla comiscion d’esperc dl „Accordino“ en cont dla conduta funch de direzion a cercl (Richtfunkringleitung) Bulsan-Dispruch-Bulsan.
02.06.1993	(Tirol/Südtirol/Trentin/Vorarlberg) I cater Conseis Provinziai tegn na conferenza a Dispruch. Na mozion dla comiscion di Conseis Provinziai interregionala trata l colegament dla conduta funch de direzion a cercl (Richtfunkringleitungsverbindung) anter Bulsan y Dispruch.
24.01.1994	(Südtirol/RAS) L Govern Provinzial de Südtirol nomineia l consei d’aministrazion nuef dla RAS. President resta Helmut Hendrich.
22.03.1994	(Talia/Südtirol) L Minister dla Posta Pagani lascia al savei al assessour provinzial Bruno Hosp che al ti vegn conzedù a la Ras de adoré les frecuenzes per la conduta funch de direzion a cercl (Richtfunkringleitung).
D’isté dl 1994	(RAS) Helmut Schäfer, diretour tecnich de trueps agn dla RAS, va en pension.
22.09.1994	(Austria/Talia/Südtirol) Mete man definitif dl servisc dla conduta funch de direzion a cercl (Richtfunkringleitung) Bulsan-Dispruch-Bulsan.
D’aisciuda dl 1995	(RAS) Georg Plattner sourantol l servisc sciche diretour tecnich nuef.
D’otober dl 1995	(Bayern/Südtirol) Mete man dl projet pilot DAB dl radio Bayern (Bayerischer Rundfunk). Reprejentanc dla RAS é laprò canche al vegn metù en funzion y à la idea de porté ite l DAB ence te Südtirol.
04.03.1996	(Südtirol) La lege provinziala nr 5 en cont dl radio y de sia ghiranza (Lege provinziala dl radio - Landesrundfunkgesetz): l articul 5 veid dant l sostegn de lueges per stazions de trasmiscion da adoré deberieda per pitadours de programs de radio publics y privac.
01.10.1996	(RAS/Roma) Al Ministere dla Posta ti végnel prejenté l plan tecnich dl projet pilot „Mut“ per l’aprovazion.
11.11.1996	(Maran/Mut) Mete man di laours dl implant dl trasmitent da adoré deberieda sun la „Mut“ soura Dorf Tirol.
30.01.1997	(RAS/RAI/Roma) La RAS y la RAI ti met dant al Ministere dla Posta na domanda de introduzion dl radio digital (DAB), n projet che la RAI y la RAS à laoré fora deberieda entant l ann 1996.
02.05.1997	(Roma/RAI/RAS) Aprovazion dla pruma fasa de realisazion de sies meisc dl projet T-DAB (DAB sun fonz (terester)) con l implant de trasmiscion de Freienfeld, dla Plose y de Sankt Konstantin. Al é vegnù realisé tl temp de trei meisc.
24.06.1997	(RAS/Mut) Al vegn metù ju l prum sas per fé su l implant dl trasmitent „Mut“ da adoré deberieda.
31.07.1997	(Talia) Con la lege statala nr 249, „lege per radio nueva“, végnel enjigné ite la ensci nomineda "Authority" (autorité de garanzia y de control) per l setour de comunicazion (radio y telecomunicazion). L Ministere dla Posta muda si inom a „Ministere dla Comunicazions“.
03.11.1997	(Roma/RAS/RAI) Aprovazion dla seconda fasa dl projet pilot DAB con i implanc de trasmiscion dla Val Venuesta Auta, dla Val Venuesta, de Montiggl y de Kardaun.
14.11.1997	(RAI/RAS) Mete man dl servisc dla pruma rei T-DAB SFN (Terrestrian Digital Audio Broadcasting single frequency network) en prejenza dl secretar statal Vincenzo Maria Vita.
22.09.1998	(Roma/RAS/RAI) Aprovazion dla terza fasa dl projet pilot DAB.
24/25.09.1998	(Bulsan/RAS) Congres DAB tl salf dla stampa dl Palais Widmann.
30.10.1998	(Talia) Plan nazional dl’atribuzion dles frecuenzes per la televijion sun fonz (terestra). L plan tol en conscidrazion 17 reis de televijion, de cheles en él 6 per stazions de televijion locales. Per l radio digital él vedù dantfora 5 canai, un de chi per radio digital sun fonz (terester) (T-DAB) y cater per T-DVB.
26.11.1998	(Roma/RAS) Aprovazion dl plan tecnich per la rei dl radio y dla televijion dla RAS da pert dl Minister dles Comunicazions.
08.04.1999	(Dorf Tirol/RAS) Mete man dl servisc dl implant dl trasmitent „Mut“ da adoré deberieda.
22.03.1999	(Südtirol/RAS) L Govern Provinzial nomineia n consei d’aministrazion dla RAS nuef.
30.12.1999	(Südtirol/RAS) L Govern Provinzial aproveia l finanziament de ciamò 6 lueges de stazions de trasmiscion da adoré deberieda.
02.05.2000	(Südtirol) L ORF met man con la trasmiscion dl notiziar "Südtirol-heute".
05.05.2000	(Südtirol) La RAS – Radio-Azienda Südtirol – festejeia si 25 agn de vita con n convegn tl salf de cura a Maran.
D’isté dl 2000	(Südtirol) Costruzion dles stazions de trasmiscion da adoré deberieda a St. Laurenz, a St. Pankraz y te Sexten.
20.03.2001	(Talia) Lege nr 66 per l radio: Al vegn desferenzié anter „Contentprovider, Serviceprovider y Networkprovider“; al vegn tegnì ite l valour lim de 6 V/m, chel vuel dì 20 V/m, la televijion sun fonz (terestra) sarà dal 2006 empò demè plu poscibla tla tecnica digitala y per aziendes publich-legales ti végnel reservé 1 DAB y 1 „DVB-Bloch“.
01.06.2001	(Südtirol) Costruzion dles stazions de trasmiscion da adoré deberieda a St. Nikolaus te Ulten. Engrandiment dla utia Mauer a St. Leonhard te Passeier.
18.03.2002	(Südtirol) Lege provinziala nr 6 dl 18 de merz dl 2002: Normes tl ciamp dla comunicazion y per l finanziament dl radio: articul 7/7bis: La Provinzia sostegn la costruzion de frabicac da adoré deberieda tl ciamp dla comunicazion.
01.06.2002	(Südtirol) Costruzion dles stazions de trasmiscion da adoré deberieda a Graun y te Selva. Engrandiment dla utia Mauer a St. Martin am Kofel.
31.07.2002	(Talia) Plan DAB dla „Autorità per le Garanzie nelle Comunicazioni“ con la delibera numer 249/02/CONS: Al vegn projeté trei reis tl „Band III“ y cater reis tl „L-Band“ soura duta la Talia.
15.10.2002	(Südtirol) Enaudazion dla stazion de trasmiscion da adoré deberieda a Naturns.
19.12.2002	(Südtirol) La RAS deventa comember dl consorz Celab.
01.03.2003	(Südtirol/RAS) La RAS deventa partner dl projet Pretio dla Union Europea. Al dess vegnì porté inant l trasferiment de servisc de dac nuefs y l’azetanza dl marcé dess vegnì ejamineda.
01.06.2003	(Südtirol) Costruzion dles stazions de trasmiscion a Badia, sa Bula y a Mittewald. Al vegn fat su na utia nueva per massaria y enjigns a Weitental y a Unser Frau te Schnals.
04.07.2003	(Südtirol/RAS) La RAS vegn enciarieda dal Govern Provinzial de slarié fora te Südtirol n second „DAB-Bloch“
12.11.2003	(Talia) Plan DVB-t dla „Autorità per le Garanzie nelle Comunicazioni“ con la delibera numer 399/03/CONS.
25. März 2004	(Südtirol/RAS) Convegn Pretio a Bulsan. Al vegn prejenté servisc de dac DAB nuefs che an pò trasmete zenza cabli tres n radio digital a n „Handheld (PDA)“.
29.03.2004	(Südtirol/RAS) L Govern Provinzial nomineia l consei d’aministrazion nuef dla RAS.
31.03.2004	(RAS) Klaus Gruber, diretour dla RAS, va do 27 agn de ativité pro la RAS en pension.
17.05.2004	(RAS) Istituzion dl consei d’aministrazion nuef da pert dl’assessoura provinziala de cultura Sabina Kasslatter-Mur.
D’isté dl 2004	(Südtirol/RAS) Al vegn enjigné ite la rei funch de direzion (Richtfunknetzes) digitala dla RAS.
02.03.2005	(Südtirol/RAS) Mete man dla televijion digitala DVB-t a Perdonig: l program televijion analogh SF1 vegn baraté fora con i programs digitai SF1, SF2 y ARD.
03.05.2005	(Südtirol/RAS) i programs dl radio privat Radio 2000, Radio Gherdeina, Radio Grüne Welle, Radio Holliday, Radio NBC, Radio Tirol, Südtirol-1 y Tele Radio Vinschgau dl consorz DAB Media vegn slargés fora tres l bloch DAB 9D.
25.05.2005	(RAS) L diretour tecnich enchina sen dot.inj. Georg Plattner vegn nominé diretour dla stazion radiofonica.
01.08.2005	(Servisc dles stredes/RAS) An peia via con la instalazion de implanc per la fornidura radiofonica ti tuniei. Ti proscims agn vegniràl enjigné ite duc i tuniei (plu lonc de 500m) con na fornidura radiofonica. An met man con l tunel dla zirconvalazion a sud de Bornech.
24.08.2005	(RAS) Sotescrizion dl contrat anter ITR (Istitut per la tecnica radiofonica) y RAS.
14.10.2005	(RAS) L prum program demé per mutons - RadiJojo! peia via sun DAB.
19.10.2005	(RAS) Montaja finala de pei 70 metri auc dla posizion dl canal a Laion (Comun de Perbian)
07.11.2005	(Südtirol/RAS) La stazion radiofonica Südtirol RAS vegn enciarieda con decret n. 4116 dl Consei Provinzial, de jì inant con i laours dles infrastrutures a banda lergia soura duta la provinzia.
07.11.2005	(Südtirol) La pert tecnica dl plan spezialisé per les infrastrutures de comunicazion soura duta la provinzia vegn autoriseda dal Govern Provinzial con decret n. 4147 tla seconda istanza.
22.11.2005	(Servisc dles stredes/RAS) Al vegn metù en funzion l tunel dla Mebo a Sigmundskron.
25.11.2005	(Südtirol/RAS) L assessour provinzial Hans Berger y l president Helmuth Hendrich sotescriv la convenzion per l ampliament dla rei a banda lergia te Südtirol. Per la fin dl 2009 dess avei passa l 90% di sudtirolesc azes al internet asvelt.
30.11.2005	(RAS) RAS tol pert al projet europeich "MI FRIENDS". L projet é formé da cater pertes dl projet DMB-Regensburg, DMB-WM München 2006, l projet partì su te trei paisc DMB - Bodensee sciche ence DMB-Südtirol/Transalp y dess vegnì projeté con la scomenciadia CELTIC de EUREKA y vegnì realisé per la doreda de 24 meisc.
22.12.2005	(Talia) Con l decret di 22.12.2005, n. 273 végnel fissé la eliminazion dla televijion analoga enchina dezember 2008.
20.02.2006	(RAS) Nominazion dl dot. inj. Johann Silbernagl sciche diretour tecnich dla RAS.
27.02.2006	(Südtirol/RAS) N'autra enciaria dl govern provinzial con decret n. 627 di 27.02.2006 per l ampliament dla rei a banda lergia te Südtirol y publicazion dla pruma endizion. (13 chertes per 14 comuns)
17.07.2006	(RAS) Sotescrizion dl contrat con la firma Linkem per la preparazion de conliamenc a banda lergia te 14 comuns de Südtirol
30.10.2006	(RAS) Ativazion de na posizion dl canal a Perbian en prejenza dl'assessoura provinziala dot.a Sabina Kasslatter Mur
15.11.2006	(RAS) Publicazion dla endizion per la realisazion dla nueva posizion dl canal sun Plan de Corones
01.12.2006	(RAS) Ativazion dla conduta Bulsan-Dispruch-Bulsan
09.02.2007	ORF y ZDF muda si programs televisifs a 16:9
23.05.2007	(RAS) Scomenciament de fé su la posizion dl canal coletiva sun Plan de Corones
18.07.2007	(Servisc dles stredes/RAS) Duc i tuniei dant man vegn gestis con programs radiofonics analogs y digitai dla RAS
19.07.2007	(RAS) La mudazion di programs televisifs analogs SF 1 y ARD y la tecnica de trasmiscion digitala (DVB-T) à podù vegnì scluta ju con suzes. Soura duta la provinzia giàten sen i programs SF 1, SF 2 y ARD sun l digital.
03.08.2007	(RAS) Publicazion dla endizion europeica per la preparazion de conliamenc a banda lergia te 44 comuns de Südtirol
10.10.2007	(RAS) An peia via con la digitalisazion dl ZDF. L fin è chel de curì dut Südtirol con i programs ZDF, ORF 1 y ORF 2 de na forma digitala enchin l 2008.
12.10.2007	(RAS) Ativazion dl zenter de trasmiscion digital nuef dla RAS tres l'assessoura provinziala per la familia, l mantegniment di bens culturai y la cultura todescia, dot.a Sabina Kasslatter Mur
16.10.2007	(RAS) Ativazion di programs televisifs digitai ZDF, ORF 1 y ORF 2 tres l president dla Jonta Provinziala dot. Luis Durnwalder
16.10. bis 18.10.2007	(RAS) Dis dla porta daverta tla senta dla RAS
03.12.2007	(RAS) Conferiment suplementar per la preparazion de conliamenc a banda lergia te 44 comuns a la sozieté oferenta Brennercom/ROL/RUN
16.01.2008	(RAS) Sotescrizion RAS-Brennercom/ROL/RUN
11.03.2008	(Südtirol/RAS) Publicazion dla endizion europeica per la preparazion de coliamenc a banda lergia te 13 comuns entiers y te pertes de d'autri 25 comuns de Südtirol - al n'é vegnù prejenté degunes propostes enchin al termo.
29.05.2008	(RAS) Digitalisazion dl ZDF scluta ju: ORF 1, ORF 2 y ZDF sen daldut digital te Südtirol
04.06.2008	(RAS) Deguna trasmiscion di juesc al palé dl campionat europeich 2008 sun i canai televisifs ARD y ZDF
29.08.2008	(RAS) Confront extragiudizial con la sozieté oferenta Wipptaler Bau/Calzavara y sourantouta di laours de costruzion sun Plan de Corones da pert dla firma Moosmair
14.10.2008	(RAS/RAI) An peia via con la trasmiscion digitala dl Sender Bozen y RAI 2 tres la rei RAS.
23.10.2008	(Banda lergia/RAS) Encuei él vegnù metù man con l laour tecnich a Mühlwald y enscila tl ultim comun. Canche i laours de conliament é ruvés à d'autres 19.640 ciases y 6.707 aziendes la poscibelté de avei n internet asvelt.
27.10.2008	(RAS) L program dl radio todesch sun la cultura vegn trasmetù con l nuef standard DAB+.